2014 Seoul 6D5N Schedule ● 韓國首爾櫻花自由行 Day 1A 《Hotel Aropa、Isaac吐司、龍山汗蒸幕、품앗이Pumasi》

2014 Seoul 6D5N Schedule ● 韓國首爾櫻花自由行 Day 1A 

《Hotel Aropa、Iassa吐司、龍山汗蒸幕、품앗이Pumasi 》

3 APR,2014

一連六日五夜既首爾之旅開始喇 ! 講真坐夜機都幾攰~~ 1:00am 其實好眼訓, 但心情興奮呀 ! 一上到機補補眠先~~ 三個半鍾左右就到首爾喇 ! 首爾係快香港一小時, 1:00am上機, 當地5:35就到喇 !

機場都係好新既~ 機場出口好多, 睇自己係邊個出口上車, 我就係4B出口~ 

6701 - 基本上只有4個站, 司機會問定你咩站落車, 幫你放好行李就可以安心上車喇 ! 有T-money卡就用啦~ 無就係返出口前買車票啦 ! 

車程70分鍾, 就到市廳站既酒店 Hotel Aropa , 放低行李就出發去明洞兌換錢先, 強烈建議早上返工時間最後坐的士, 我地一到步路都唔識行就去坐地鐵, 然後好迫好迫先上到車, 原來香港早上地鐵已經好文明 ! 係首爾返工時間係歡迎推撞 ! 真係呆左~~ 好辛苦先黎到明洞, 先兌換好錢喇 ! 可以安心開始我地既旅程, 行返去地鐵站個邊有間 Isaac吐司店~ 

Isaac吐司 首尔明洞店 

(이삭토스트 서울명동점)

電話 : 02-752-3002 

地址: 首尔特别市中区忠武路1街 24-41

前往方法: (424) 明洞站5號出口直行3分鍾

真係好好味呀 ! 好新鮮~ 即叫即整~ 好可惜食左一次咋 ! 返到香港可以試整 ! 哈哈哈 ! 吐司有蛋, 椰菜絲, 煙肉, 芝士, 口感好豐富 ! 仲有d甜甜辣辣既汁~ 好開胃 ! 必吃呀 !!! 

食飽飽我地決定坐的士出發去《龍山汗蒸幕》

 龍山汗蒸幕 Dragan Hill Spa 

(드래곤힐스파)

電話 : 02-792-0001 

地址: 首尔特别市龙山区汉江路3街 40-712

前往方法 : (135) 龍山站1號出口 

( I Park Mall旁/Emart 易得買超市可逛) 

好攰呀~ 好眼訓呀 ! 凌晨機既症狀出哂黎喇 ! 點都要休息下~ 好推介去汗蒸幕, 真係好爽好舒服架~ 焗出一身汗呀 ~ 成個人醒哂~~ 我地今次揀左間比較大間既龍山汗蒸幕, 有七層, 地方乾淨 ~ 岩岩到埗就黎汗蒸幕休息一下啦~  呢度24小時架~ 

雖然裝修有點舊~~ 不過好多本地人黎架~ 每人入場費11000won, 好似晚上6點後入場係13000won, 自己睇時間入啦 ! 好抵玩~ 玩足12小時都無人理你~~  

俾左錢, 會有條key俾你先放鞋, 再上女湯個邊換衫, 好乾淨~ 全部都唔可以著鞋/拖鞋~  留意上到女湯全部都要脫光光, 沖涼都係脫哂先俾你入去沖涼, 記得自己帶沖涼用品, 毛巾, 無帶就可以買~ 浴場都幾大, 又有得泡湯, 女性汗蒸幕專區都有~ 當然唔可以影相啦 ! 大家互相尊重~

沖個涼就返落1/F, 就係做汗蒸幕地方喇 !  同黃媽媽就係度同黃爸爸&老公會合喇 ! 好眼訓好攰呀 ! 我地第一時間係有熱石板既地方訓教, 真係係地訓, 無人會理你 ! 哈哈哈 ! 個下攰到要即訓, 唔係我會死~ 人人都訓架喇~ 唔理得咁多~

好喇 ! 休息左一個鍾, 有返D電, 可以繼續~ 呢個就用松木既汗蒸幕, 嘩 ! 好熱架~ 入到去好似焗爐咁~ 呢個松木蒸太強, 感覺自己係豬肉要蒸熟我~ 另一面有D低溫、中溫、高溫碳蒸, 我係由低慢慢開始試, 真係好正~ 我長期係高溫蒸汗~~ 蒸完FU MASK~ 正 ! 

呢個係得幾度既雪櫃~ 熱完就凍下~ 不過凍陣好喇~ 一陣凍到病就唔好啦 ! 

黎汗蒸幕有樣野係必食既, 就係燻雞蛋喇~ 同埋小米酒都好出名, 不過我要紅蕃石榴汁~ 好好飲架~ 酸甜既~ 正 ! 燻雞蛋我覺得好一般 ! 燻味太強~

好滑~~ 

用KEY牌消費, 走個陣一次過結脹~ 蛋有三款架~ 今次叫左中間個款~ 我覺得第一最普通既香D~ 我第五日又黎多左次~ 哈哈 !  

阿魯巴飯店 (Hotel Aropa) 호텔아로파

Address: 17-2 Bukchang-dong, Jung-gu, 明洞, 首爾, 韓國 

Tel: +82263626000 

前往方法: (132/201) 市政廳站7號出口

係度休息左好耐呀 ! 差唔多兩點幾先返到酒店, 終於可以拎房喇 !  因為要雙連房, 只可以2/F, 雖然最低, 不過都OK既 ~ 酒店房間乾淨, 韓國酒店大部份都無牙刷牙膏提供, 要自己帶/買, 呢間酒店無洗頭用品, 都係要自己帶 ! 好彩我咩都用自己既~ 無問題 ! 哈哈 !

浴室乾淨, 抽風好好 ! 又夠光呀 !  

酒店只供應普通清潔用具, 風筒真係GOOD呀 ! 夠勁~ 得沖涼液~ 要自己帶洗頭用品~ 

茶包FREE既~~  CHECK好房就出發去食LUNCH喇 ! 好餓LU~

품앗이 Pumasi 

電話：02-753-7580 18

地址 : 首爾特別市中區北倉洞 18

(서울 중구 남대문로1길 18)

地圖 係我間酒店行既方向, 基本上住我個間酒店一定會行落黎搵食~ 我有幾餐都係呢條街醫肚! 哈哈 ! 同埋呢間pumasi係無咩資料搵到~ 發現有幾間分店, 不過就唔係做遊客生意~ 全韓文呀 ! 

因為好肚餓, 眼見酒店旁邊一大堆餐廳 ! 但全部韓文, 唯有亂入一間, 行行下我揀左呢間, 無原因, 真係亂撞入去~ 哈哈哈 ! 誰不知又ok啵~ 有d本地人阿叔三點幾已經開始飲燒酒喇 ! 呢間小酒館都幾有特色~ 裝飾幾靚~

 

好可愛既小壺呀 ! 係咪飲米酒用既呢 ? 

 全部都係木, 舊得好有味道~

hello~ 三位~ 笑~ cheer~~ 哈哈 ! 好開心今次老公同埋黃爸爸媽媽一齊去旅行, 我老公真係好好~ 哈哈哈~ 

黃爸爸好喜歡充當攝影師 ~ 靚得唔錯喔 ! 

開動喇~ 係韓國既第一餐~ 好餓呀 ! 《豚肉泡菜窩》好好味呀 ! 好韓國呀~哈哈哈~ 好辣呀 !

小碟~ 每餐泡菜是必定的, 呢間蘿蔔好正~ 

《海鮮餅》好食 ! 好多章魚~ 好香口呀~ 黎韓國海鮮餅是必吃吧~哈哈 

《雜菜撈涼麵》講真~ 韓國肉真係唔多, 餐餐菜佔6-7成, 哈哈哈 ! 呢道味道唔錯, 不過全菜我就唔太岩食喇~ 哈哈 ! 同埋我唔喜歡韓國既涼麵類呢~ 滑lulu~ 我唔喜歡~

食飽行下先~ 就係呢條街喇~~ 好韓呀~ 

四圍影下~ 食飽我地去下一站喇 ! 就係《南山塔》 喇~ 好開心呀 ! 好浪漫呀~ 都敏俊我來了~哈哈哈 !