2014 Seoul 6D5N Schedule ● 韓國首爾櫻花自由行 Day 1B 《南山塔、新村餐館烤肉 》

2014 Seoul 6D5N Schedule ● 韓國首爾櫻花自由行 Day 1B 

《南山塔、新村餐館烤肉 》

3 APR,2014

一篇太長 ! 繼續寫落去先~ 

我地食飽就出發去南山塔喇 ! 知道好近, 所以我地坐的士上去, 誤打誤撞上左架黑色的士, 姐係模範的士, 司機通常比較年長, 不過就著哂西裝好整齊既, 好多時仲識講其他語言, 一定送你到目的地 ! 哈哈哈 ! 不過就 5000won 起錶~ 不過我地係酒店個邊出發去南山塔纜車位, 都係5000won 無跳錶, 所以真係好近架咋 ! 

我地黎喇 ! 我要趕係日落前上到去 ! 我要睇日落 ! 天氣真係好凍呀 ! 真係得幾度都唔知有無~ 凍到入骨~ 

沿途首爾市已經開左好多櫻花喇 ! 好開心呀 ! 

司機車我地去到纜車位~ 

纜車收費 :  8500won/round trip (person)

車程大約10分鍾

一直跟指示上去搭車 , 架車好多人~ 無位影位, 好似坐無人纜車咁款~ 企哂黎度~ 都好快就到 !

等坐纜車個陣影既~  

最喜歡粉紅色 

如果有時間可以行上去, 咁就有好多櫻花睇喇 ! 真係幾靚架~

一陣就到左喇 ! 好凍呀~~~ 個天開始黃喇~~ yeah ! 

《南山塔》 

地址 ： 首爾特別市中區會賢洞1街 山1-19 서울특별시 중구 회현동1가 산1-19 

交通方式： 明洞站4號出口步行約10分鐘 

營業時間：10:00~23:00 

去《南山塔》時間skills~

16:30 pm : 走向南山纜車的透明電梯，買纜車的來回票 

17:00 pm : 抵達南山公園也就是首爾塔下方 

17:30pm : 接著開始瘋狂拍照看風景 

18:30pm : 可以看到夕陽 / 夜景 

18:45pm : 搭纜車回到平地區時 剛好19:00pm

 Yeah ! 親眼睇見係好開心既~ 哈哈 !  

每個塔都鎖住~ 黃爸說大家鎖在一起, 已經唔係兩個人既事, 係一大班人鎖埋一齊~ 唉 ! 老爸~ 呢D真係講架咋~ 一場黎到點都要鎖下架 ! 哈哈哈 !

櫻花路~

心情興奮呀 ! 瘋狂影相先~ 合照~ 

 

好開心呀 ~~

難得一張合照先~ 我忘記帶腳架呀 ! 感激路人幫忙拍照~ 好開心~ 不過好多人呢~

突然又無哂人~ 哈哈哈~ 可能太凍~ 就睇你有幾堅持 ! 凍凍下就習慣架喇 ! 

如果扣好個鎖, 條KEY係要放落紅色箱架~ 係千頌伊教架~ 哈哈 ! 

話時話未買鎖頭呀 ! 黃爸媽落左去避風~ 哈哈~ 我同老公去買鎖~ 8000won 一個鎖頭~ 哈哈 ! 如果自己有帶都唔使買既~  

Yeah ! 情人黎到情人塔扣情人鎖是常識吧 ! 哈哈哈 ! 

溫生真係好唔浪漫架 ! 佢除開左個紅色心膠套發現, 係五金行買到既金色鎖扣一個, 收佢8000won , 佢好傷心~ 哈哈哈哈 !  笑死我同爸爸~  

其實唔知要寫咩~ 叫做寫過黎過到此一遊咁啦 ! 哈哈哈 ! 

哈哈~ 

上鎖~~  

得左 ! 哈哈哈 ! 

咁多情人陪你~ 一定好快樂啦 ! (我講緊個鎖呀 ! ) 哈哈

日落喇 ! 慢行呀太陽~  親眼睇好靚架~ 感覺好幸福呀 ! 因為好凍~ 哈哈

行返落去行左圈~ 有D情人貼~貼牆既~

仲有可以行下TEDDY BEAR專門店, D Bear公仔好得意架~ 

見到有COLD STONE~ 忍唔住~ 哈哈哈 

Strawberry Banana , 好好味呀 !咁凍既天氣食雪糕有好處架 ! 就係唔會融~ 哈哈

唔客氣喇 !  

食完就落山lu~ 坐返纜車~ 飽覽美景~ 

我地行左樓梯落去呀 ! 哈哈~ 都幾靚丫~個景~ 

行行下, 佢地突然話, 你望下右邊, E~~~ 有電梯喎 ! 哈哈哈 ! 我地就行路~ 算啦~ 好近姐~ 坐地鐵既就會跟呢條路上架喇~ 

沿路行左去明洞行左圈~ 原本打算坐的士返酒店~ 點知司機見到酒店就指方向叫我地自己行, 我地就瞻粗粗向住個邊方向行, 沿路又問下人~ 點知真係行得到, 仲要好近下~ 酒店行去明洞先係十分鐘就到~ 好方便呀 ! 

返酒店放低D野我地就落街食飯喇 ! 去返今日LUNCH個條街, 有間叫《新村餐館》

1) 新村餐馆 北仓店 (새마을식당 북창점) 

電話 : 02-318-2382 

地址: 首爾特別市中區北倉洞 118

2) 新村餐馆 北仓2号店 (새마을식당 북창2호점) 

電話 : 02-3789-9285 

地址: 首爾特別市中區太平路2街 56-1

前往交通: (201/132) 市廳站8號出口

我地酒店就係北倉洞附近喇~ 呢間就係叫《新村餐館 (北倉店)》(새마을식당) , 招牌無中文字, 記住個韓文名呀 ! 新村好多分店架~ 記住係銀底紅字就係佢喇 ! 

地方好夠大~ 

四位就每人要叫一個餐~ 姐係要叫四份肉類~ 好平架咋~ 實在好抵食 ! 有豬皮~ 好高骨膠原~ 豬肉都好好食呀 ! 真係好有豬味~ 唔係講笑~ 哈哈哈 !

反而叫左份牛肉就好失望, 要食牛返香港 ! 哈哈 !  

好多配料呀~ 滿檯都是~ 有海帶湯飲, 佢地話好鮮呀 ! 

開動喇 ! 好開心呀~ 食韓國食韓燒份外高興~ 

燒好既烤豬肉呀 ! 超正 ! 

呢間既白飯特別好食 ! 有埋辣醬蘿蔔豆腐湯, 呢個幾好飲, 可以煮黎送下飯~ 

有(阿朱媽)幫你燒架~ 好好彩, 都有個識講國語~ 溝通到架~ 無問題 ! 哈哈 ! 

呢度既生菜特別清脆架~ 好埋好爽甜~ 包埋烤肉一齊食~ 好好味呀 ! 減少油膩感呀 !  

今日係首爾既第一天完滿結束 ! 好開心~ 今晚訓返覺好既~