2014 Seoul 6D5N Schedule ● 韓國首爾櫻花自由行 Day 2A 《陳玉華一隻雞、廣藏市場、中部市場》

2014 Seoul 6D5N Schedule ● 韓國首爾櫻花自由行 Day 2A 

《陳玉華一隻雞、廣藏市場、中部市場》

4 APR,2014

今日天氣大好呀 ! 所以訓到夠先醒 ~ 哈哈 ! 真係日日訓醒飲杯茶先出門口, 出到去都就快十二點喇 ! 岩岩好食LUNCH既時候呀 ! 今日我帶佢地去食《陳玉華一隻雞》個名夠哂氣勢 ! 哈哈 ! 陳玉華一隻雞位於東大門附近, 我地就坐的士出發, 陳玉華一隻雞係D街既內巷, 的士會放低你之後叫你行入去自己搵, 小心要睇門口, 因為陳玉華一隻雞前後都好似有類似既鋪樣~ 我都差D入錯左 ! 要認著個招牌喇 ~ (PS: 條路行入去旁邊既勁多烤魚, 非常腥~)

陳玉華一隻雞 

前往交通： (421) 東大門站9號出口, 

旁邊有個不知名的地標, 直行約 5~ 10mins 左手邊二樓有個 ZEN Caf é ,

從旁邊小巷子左轉進去走到底, 陳玉華一隻雞就在右手邊

[地段名地址] 首尔特别市钟路区钟路5街265-22

 (서울특별시 종로구 종로5가 265-22) 

電話 : 02-2275-9666 

時間 : 10:30~凌晨01:00 (點餐截至23:30)

韓巢介紹 : http://cn.konest.com/contents/food_detail.html?id=2900

一坐低就要決定要幾隻雞, 我地四個人叫左兩隻, 係好細隻既雞黎架咋 ! 一定食得哂~ 雞肉非常嫩, 係嫩雞, D骨唔硬~ 湯底好鮮甜~

呢度既泡菜一定要放湯煮先好味, 年糕非常QQ,好好吃 ! 

正是用餐時間~ 很多台灣遊客跟本地人來用餐 ! 

哈哈~ 阿朱媽在幫我們剪雞中 

 雞被剪後就無雞睇喇 ! 咁大鍋影張相先~ 哈哈

食之前要整個醬, 首先放D辣椒醬落碗, 再加少少湯, 搞拌後就可點雞吃~ 

嘩~ 好滾喇 ! 年糕是必吃的, 黃媽媽大愛韓國年糕呀 ! 

差不多食哂D雞, 可以加麵, (呢度兩客, 而且落麵既ORDER只可一次, 無論你要兩客定十客, 只可要一次) 阿朱媽話我地四個人要兩客麵就夠 !  

落麵後再加辣椒醬落湯底一齊煮~ 係好好味架~~ 

麵質有D似上海麵~唔錯 ! 

哈哈 ! 自拍一張~ 最開心是帶爸媽吃到韓國當地美食, 感受當地文化, 唔使跟團咁慘~ 

認住陳玉華奶奶一隻雞招牌喇 ! 

食飽行一陣, 呢條街全部都係食店, 都係烤魚, 好煙燻架~

好喜歡韓國小鍋, 溫生唔俾我買~ 事關屋企太多~ 呢D地道餐具係必買架嘛 ! 不過我知尖沙咀有~ 哈哈哈~ 

我地落車既方向 , 就係呢條路行入去, 一直行就會見到~ 

用GOOGLE MAP睇下廣藏市場位置, 食飽就行過去得喇 !  不過廣藏市場都幾大, 我地又咁岩食飽, 真係去參觀下~ 試少少咋~ 不過呢度就好地道 ! 好推介去食下野~

廣藏市場 

交通方式： (129 )鍾路5街站7號出口

[地段名地址] 首尔特别市钟路区礼智洞6-1 

(서울특별시 종로구 예지동 6-1)  

時間 : 10:00~19:00 

韓巢介紹 : http://cn.konest.com/contents/shop_detail.html?id=1367

係門口見到士多啤梨, 勁靚, 以為會行返出黎, 所以唔買住, 就係咁就must左~ 呢加睇相算~

 行正條食街先~ 嘩 ! 睇見都覺得好地道~ 好多檔口 

我最喜歡既紫菜飯團~ 好好食架~ 

其實我地真係好飽, 想食甜野, 見到呢個樣係咪好似芋頭呢~ 係咪好似甜品呢~ 頂~ 排完買完食一啖, 咸既~~~~~ 我地四個勁失望~~~~ 姐係覺得係糖水, 變左湯既感覺~ 哈哈哈 ! 

黃媽媽見到綠豆餅, 引唔住去排隊買 ! 叻女~ 識搵間多人排既~ 哈哈哈 ! 

最後拎左返酒店食~  返到酒店食仲係脆既~ 好彩一個分四份, 我覺得食食下好鞋口~ 試過就算~ 

繼續行~~ 好多泡菜好吸引呀 !! 仲有泡菜墨魚同泡菜魷魚, 我呢加先知有呢d泡菜~ 哈哈 !

好傳統既糖果 

嘩 ! 醬油蟹呀 ! 我就唔敢食喇~~ 聽聞係好鮮架~~ 

d咸魚掛得好靚 ! 排哂隊咁款~

就係咁行完呢個 廣藏市場, 有時間就行埋另一邊既中部市場, 大約行15分鍾左右, 都係google map一下, 係韓巢copy韓文名去google map就行得~ 方便到呢~

行經呢度已經係東大門位置 , 見到條河幾靚~ 好清呀 !

d 人就係咁過河~ 其實幾好玩~哈哈~不過好曬, 無行落去~ 

行行下終於俾我地行到去中部市場喇 ! 呢個中部市場好明顯我係為黃爸媽安排既~ 呢d市場岩哂佢地去買人參~ 估唔到又真係幾抵~ 仲買埋魚乾手信, 又好味又平 ! 

中部市場 

交通方式： (535) 乙支路4街站8號出口

[地段名地址] 首尔特别市中区五壮洞139-11

 (서울특별시 중구 오장동 139-11) 

時間 : 03:00~18:00

韓巢介紹 : http://cn.konest.com/contents/shop_detail.html?id=1527 

 呢個市場好乾淨 ! 分類分得好好 ! 

行行下已經有目標~ 就係人參~ 呢間老板娘好識做生意, 黃爸媽勁開心, 入去掃貨~ 哈哈 ! 

呢d做人參雞湯個d參~ 又可以浸人參酒~  

好大支~  

哈哈 ! 我同billy行埋一邊影下相算~ 最後買左一大包返香港 ! 下次等我試整人參雞湯 

就係呢間喇 ! 

買完人參向前行, 見到有魚乾賣~ 可以試食~ 不過唔識講國語~ 用計數機溝通, around 10000won/1kg , 姐係$7x 好平 ! 

呢款魚乾唔知係咩魚, 但好好味 ! 哈哈 ! 

魷魚絲~~~ 

咁岩行中呢間就買~ 附近有好多間~ 我估大家都差唔多咁上下~ 買夠返酒店玩低手信先~