2014 Seoul 6D5N Schedule ● 韓國首爾櫻花自由行 Day 2B 《駱山公園/壁畫村、 柳氏家辣炒雞排、樂天超市、流動居酒屋》

2014 Seoul 6D5N Schedule ● 韓國首爾櫻花自由行 Day 2B 

《駱山公園/壁畫村、 柳氏家辣炒雞排、樂天超市、流動居酒屋》

4 APR, 2014

今日開始睇到好多櫻花喇 ! 上半場食飽飽, 下半場要去行下街街先~ 今次我地坐地鐵黎既, 地鐵終於正常返~ 唔太多人~ 哈哈 ! 去到惠化站既2號出口, 一行出黎係大學路咁上下, 好多學生, 不過我地係行錯左路架 ! 行上去係經民居上~ 不過都上到去既~ 哈哈 !

駱山公園 

前往交通: 4號地鐵線420惠化站2號出口，步行15分鍾就到 

轉右就會見到呢個十字路口~正路就係轉返右行, 再上, 不過我地就直行, 其實都上到去既~ 哈哈~

四處都係壁畫呀 ~ 好靚~ 可惜我地去個日天陰陰~

開始行喇 ! 其實都唔知架~ 一路行架咋 ! 後面仲有對年青韓國人跟我地尾~ 真係搞笑~

民居外牆裝飾好靚呀~ 好韓國劇個D~~

直至見到呢個路牌, YEAH ! 好彩無行錯路呀 ! 哈哈 ! 不過要行樓梯~ 走個陣我地行返條正路落返去架 ! 哈哈 !

一上到去見到壁畫村, 我地就係正駱山公園/壁畫村既中間, 不過我地向右邊行駱山公園, 無行到壁畫村, 大家有時間可以去埋架~ 

向櫻花進發~

沿路開始有喇 ! 不過好高好高~ 

眼見前面就係櫻花路喇 !

櫻花~~ 呢邊既櫻花比較粉白~ 影相唔太出, 不過親眼睇就好靚喇 ! 好浪漫呀~~~ 咁

浪漫櫻花下我老公同老爸做運動 ! 型 ! 哈哈哈 ! 仲45度角~~ 

到黃爸45度角~ 笑死~~ 其實呢舊野幾好玩~ 我都有玩~哈哈哈 !

係地下執既~ 影張相就還原返地下~ 哈哈 ! 近睇好靚呀 !

粉白櫻花~ 

遠睇唔多現~ 不過都要影下相~哈哈! 就快日落既駱山公園係超級凍呀 !

影多幾張就閃喇 ! 實在太凍喇 !

多謝老公呀~ 估唔到睇到首爾櫻花~ 實在太幸福喇 ! 

走個陣巧遇台灣人問我路, 大家識講同樣語言當然互相幫忙啦 ! 所以就幫我影左張合照喇 ! YEAH ! 好開心~~ 終於帶到黃爸媽去睇櫻花~ 

去同走都見到同一隻狗, 係櫻花樹下散步~ 爽YY啦~ 黃BIBI一定好想係度散步喇 ! 哈哈哈 !

重點係隻狗不停係轉我, 同轉黃爸爸, 見佢咁可愛都忍唔住呀 ! 黃爸摸韓狗, 我返去話俾黃BIBI知道 ! 哈哈哈 ! 好CUTE呀~ 搞到我地掛住BIBI姐~ 

走喇~ 正常行上黎都會見到呢個位置 ! 睇D台灣卜友寫, 落雪個陣會係兩條雪路~ 好靚架~

終於行到落去喇 ! 其實好快好方便 ! 時間關係, 我地坐的士返出明洞食飯喇 !

強勁既GPS~ 

柳氏家辣炒雞排Yoogane Dak Galbi 

(明洞同一条路，就有2家分店） 

地址：首爾特別市中區明洞2街3-1 / 서울중구명동 2 가 3-1 

營業時間：11：00 ~ 23：30 

交通方式： 明洞站8號 出口步行轉左約10分鐘

雖然係好普通, 叫做感受當地文化 ! 會有泡菜自助BAR~ 

強烈推介椰菜絲配青蘋果沙律醬 ! 超開胃 !

點左分3-4人餐, 辣炒雞排海鮮鐵板~

之後會有舊野圍住你 ! 就開始炒喇 ! 

炒左10分鍾就食得喇 ! 其實好易整~ 哈哈哈 !

椰菜絲配青蘋果沙律醬, 可以食很多, 超喜歡食椰菜絲 ! 好爽甜~

很多當地人黎食柳氏家辣炒雞排

味道唔算好特別 ! 不過都好值得黎下~

一行出黎就見到人氣小吃, 《雞蛋糕》除左蛋就係蛋, 蛋糕底好好食呀 ! 好脆呀 ! 好喜歡 !

 樂天超市 LOTTE Mart 

前往交通: 1號地鐵線 首爾站 1號出口, 一出右轉直行

食飽飽見仲有時間~ 去轉樂天超市先~ 睇下有咩入下貨~ 哈哈 ! 所以我地前後去左兩次~

開始喇 ! Lotte mart呢度好大, 好似曼谷big c咁 ! 上網做左research, 買咩零食 ! 行行下見到全智賢做代言既產品, 我知道髮尾油好好用 ! 不過未有貨~ 不過promoter 叫我試支茶花lotion~ 超清香~ 最喜歡茶花味 ! 好滋潤, 一陣就吸哂入皮膚 ! 必買呀 ! 我仲買左支送奶奶~ 

茶花lotion就係呢支~ 其實我見香港好多韓國代購店都有賣~ 

黃媽媽買埋呢支, 係精華液, 抗衰老~ 哈哈哈 ! 唔冧, 好快吸收~

零食呀 ! 我今次寫唔到手信篇喇 ! 攰到返黎分埋手信~ 所以唔寫喇 ! 

零食我就覺得以下都係必買既 ~ 

我最喜歡 [右下]- Cookies白朱古力粒粒, 食唔停口 ! 哈哈 !

 [中下] - 士多啤梨蛋糕仔, 小溫子最喜歡呢d蛋糕仔架 ! 不過呢款真係好好味~ 買左兩盒, 溫生自己掃哂 ! 

[左下] - 呢款魚仔蛋糕又係好味 ! 必買 !

仲有香蕉奶都係必買架 ! 我買住一盒做早餐咋 ! 哈哈~ 就咁第二日就買左一堆

自己去PACK箱~ 因為一定要PACK, 買夠30000won就可以tax refund, 不過tax refund物品係要成箱交去機場tax refund度送上飛機 , 唔係行李帶送架 ! (ps: tax refund 如果計落唔係refund好多, 就唔好搞咁多, 因為好Q麻煩 ! 最後講篇講你知 ! )

有人PACK緊箱, 就可以去另一邊做登記TAX REFUND, 拎埋單去做登記 ! 到時去機場再登記退錢 !

開心SHOPPING後, 就返酒店休息喇 !

真係好攰, 不過小溫子要食宵夜 ! 就係咁我地中伏喇 ~~~~

原本以為呢D流動居酒屋唔會貴得去邊, 點知就係好貴 ! 一餐宵夜食左85000WON ! 平時我地一餐都只係40000WON左右, 仲要四個人食 ! 今餐得我同小溫子~ 哈哈 ! 實在係好特別既經驗~

我好記得我地一坐入去,[ 老公就講 : 無錢既人先坐街邊架 ! 韓國人真係慘~ ] 最後我同佢講, [ 唔該無錢既去餐廳食, 呢度豪客黎架 ! ]  諗起都覺得好笑 ! 

不過唔可以怪人呀 ! 係我地自己唔問價錢就叫咋 ! 仲以為係一串串, 點知變左一碟碟上檯 ! 原本想食5-6串串燒, 點知變左5-6碟小菜~ 哈哈哈 ! 

好無知地好開心飲啤酒中~ 韓國CASS啤酒好好飲呀 ! 真係堅正架 !

好地道呀 !

好好飲既海帶湯~

其實呢間既味道唔錯既~ 不過我其實唔餓架~ 所以真係食到好飽 !

白烚章魚. 好好味呀 ! 好彈牙~

白烚蘑菇, 哈哈 ! 普通啦~ 好香菇味~

炒雞腎, 發現韓國芝麻好香呀 ! 最後我係樂天買左支~ 哈哈 !

炒五花肉, 加左D甜辣醬去炒, 好好味~ 有埋生菜俾你包黎食~

最後係炒雞柳, 同前面五花肉味道差唔多 ! 哈哈 ! 最後係食唔哂架~ 唔怪得隔離對韓國情侶同我地傾計見我地叫咁多都覺得誇張 ! 就係呢道遇到對好熱情又識講英文既上班族情侶~ 男既OPPA識講少少廣東話, 因為佢係香港何文田住過三年~見到我地香港人好開心~ 哈哈 ! 大家仲互相SHARE食物, 我地實在叫太多~ 

不過黎到呢D地方, 唔好好似我地咁亂點 , 問左價錢先, 再坐低 ! 如果正路, 我地點2碟都好夠 !