瑞士汁雞翼 ( 附食譜 )
[ 材料 ]•••
雞中翼 ••• 1磅
[ 瑞士汁底 ]•••
瑞士汁 ••• 200ml
水 ••• 200ml
薑 ••• 1-2片
生抽 ••• 2湯匙
老抽 ••• 2湯匙
香葉 ••• 2-3片
花椒 ••• 數粒
八角 ••• 數粒
小茴香 ••• 數粒
注意這是頭一底的做法, 每次生既食材必須要出水, 原因係瑞士汁底係要重用既, 所以一次比一次濃香, 是非常正的 ! 保存方法非常簡單, 就係生既食材一定要出水後先可以放入瑞士汁底, 每次用乾淨用器撈出食物, 用完既瑞士汁底先格渣放涼後, 可入樽放入冰格, 到下次用既時候溶左佢做汁底 ! 之後每次唔夠汁就加現成瑞士汁 / 水, 視乎自己味道啦 ! 我呢加每次都係咁做, 非常方便 !
瑞士汁底既香料, 係黃爸爸係中藥房幫我執既, 執好一罐俾我, 等我每次用都好方便 ! 用幾多拎幾多出黎用~
有齊佢地一定好好味 !
第一次整用半支/200ml , 1:1 - 瑞士汁:水
[ 做法 ]
1) 首先將雞翼洗淨, 水滾放薑片、雞翼, 出一出水後撈起
2) 將瑞士汁底所有材料一齊放入滾, 用中小火煮滾後, 轉小火
3) 將雞翼放入, 用中小火煮大約8-10分鍾, 熄火蓋焗20分鍾, 完成
咁簡單就大到好味既一道菜, 快d試下啦 !
哈哈 ! 當日晚餐, 簡簡單單又一餐 !
Cindy:
回覆刪除~你娘家, 都應該好識整野食, 而且, 他們很錫你,係中藥鋪執定比你.
~你餐飯, 擺出黎嘅風格, 好舒服. 而且你識用Le creuset 無水蒸肉餅, 我到現在還未敢試. 怕個煲有事!!
Hi Vicky
刪除黃爸媽真係好錫我架~ 哈哈~ 我已經中哂毒,無水蒸好方便呀!完全唔驚傷鍋。只要蒸個陣唔好開蓋就得架喇!
我而家先知原來瑞士汁有咁多香料架~~!!
回覆刪除你餐飯好得呀!!我覺得一D都唔簡單呀~~^^
哈哈多謝你呀 ! 其實我當佢滷水咁用架~ 好味又方便~
刪除